Yamaha C40 Classical Guitar Review
Best place to buy Yamaha C40 is: AMAZON
Back & sides: Meranti
(Price: $140 (2700 EGP
Fingerboard: Rosewood
Bridge: Rosewood
(Scale length: 650 mm (25.59″
(Tuning machines: Chrome (YTM-01
Finish: Natural
من أعرق الشركات التي انتجت الجيتارات هي بدون شك ياماها ، ويعتبر الموديل ياماها Yamaha C40 من أشهر هذه الموديلات على الإطلاق وذلك لعدة أسباب:
- جودته العالية مقارنة بسعره
- انتشاره في البلاد العربية بوفرة
- صوته الذي يتناسب مع العديد من الأنماط الموسيقية
تقريباً أكثر جيتار بينصح بيه في البداية هو جيتار Yamaha C40 وده لأنه رخيص نسبياً مقارنة بالجيتارات الأخرى، وكمان لأنه منتشر وسهل العثور عليه في أي محل أدوات موسيقية.
الجيتار بدون شك صوته حلو ومعقول ، وكمان الفريتس بتاعته سهلة العزف. ده بالإضافة لأنه عادة المبتدئين في الجيتار بيلعبوا ستايل كلاسيك عشان يعرفوا مبادئ الجيتار، فصوته وحجمه مناسب للبداية على الكلاسيك جيتار.
عادة بنصح أي حد حيشتري جيتار وهوة لسة مبتدئ انه ياخد حد بيفهم في الجيتارات معاه، ولايعتمد على رأي البائع لأنه في الأغلب عايز يبيع وخلاص. لكن في حالة اذا كنت حتشتري ياماها Yamaha C40 فانت مش محتاج حد متخصص معاك. يعنى الخلاصة إشتريه وانت مطمئن انك أشتريت جيتار كويس.
حتى لو في حالة اذا قررت انك ماتكملش وعايز تبيعه ، ففرصة بيعه عالية جداً لأنه جيتار مطلوب فمش حتتعب عشان تبيعه. واذا كانت حالته لسة جديدة ومعاه شنطة ، فممكن جداً تبيعه بنفس السعر اللى اشتريته بيه.
المميزات
- سعره مناسب جداً في بداية رحلتك للعزف على الجيتار
- تقدر تشتريه من اي مكان
- ألوان مختلفة
- يباع ضمن باكج معاه شنطة للحماية واحياناً تيونر للأوتار
- خفيف
- صوته مناسب للكلاسيك و الفلامنكو
العيوب
- بعض الجيتارات منه صوتها مش حلو
- فيه نقطة واحدة على رقبة الجيتار Neck (الفريت السابعة)
- الأكشن بتاعه عالى في الفريتس المتقدمة (من 9 لآخر الجيتار)
التقييم النهائي
جيتار ياماها Yamaha C40 أحسن جيتار للمبتدئين الجادين ، ينفع للكلاسيك او الفلامنكو. صوته ناعم وسهل العزف عليه ويمكن شراءه وبيعه بسهولة ومش حتخسر فيه.
